Авторлық мектептер, теңсіздікті азайту, технологиялар және басқалардың шекараларын құрметтеу

Директорлар мен басқару командаларын қайта даярлау бағдарламаларының лекторлары не туралы айтты

5 қарашада қала әкімдігінің қолдауымен «Алматы мектептері» жобасы аясында «Басқару және көшбасшылық: таяудағы даму мектебі» басқарушылық командаларды кәсіби қайта даярлау бағдарламасының үшінші модулі аяқталады.

Модульдің негізгі тақырыбы – «Әртүрлі әлеуметтік контексте жұмыс істейтін мектептер» тақырыбы, ал шақырылған спикерлер ретінде ЭЖМ білім беру институты білім беру бағдарламалары департаментінің доценті Сергей Косарецкий, ЭЖМ ҰЗУ лицейінің директоры Дмитрий Фишбейн, «Жаңа мектеп» түлектер қорының директоры Кирилл Медведев, «Корифей» гимназиясының директоры Алексей Бабетов сөз сөйледі. Үшінші модульдің білім беру сессиялары 1 қарашада Shokan мектебінің базасында басталған болатын.

Мектептің мақсатты аудиториясының портреті, әлеуметтік әл-ауқат индексі, білім берудегі кедергілер, қосымша білім беру және мектеп модельдері сияқты үшінші модульді талқылау аясында бағдарлама спикерлері оларға деген көзқарастарымен бөлісті.

- Бірыңғай мемлекеттік бағдарламалар стандарттарды белгілейді, алайда, мұғалім тақырыптарды өзінше түсіндіріп, жаңаша жеткізетіндіктен, әрбір мектеп осыған икемділікпен қарай алады. Берілген шеңберден, бағыт-бағдардан, белгіленген нәтижелерден бөлек авторлық бастаманы енгізуге болады. Егер адамның шығармашылық ойлау қабілеті дамыған болса, ол әрқашан өзгеру жолдарын табады. Сондай-ақ, біз жеке көзқарас ұғымымен таныспыз, бірақ «дербес оқыту» деген құбылыс та бар. Егер біріншісінде мұғалім оқушының ерекшеліктерін ескеруі керек болса, екінші тәсілде модель өзгереді, ал оқушының өзі мұғалімнің көмегімен өзінің оқуы мен қарқынын қалыптастырады, - деді «Корифей» гимназиясының директоры Алексей Бабетов (Екатеринбург).

Алексей Бабетовтың айтуынша, осылайша білім беру үдерісі саналы бола бастайды, бірақ бәрі бірдей, оның ішінде ата-аналар да, мұндай жүйені бірден қабылдамайды. Бұл тренд оқушыны бақылаумен, оның білімін бағалаумен байланысты ескі жүйелерді қолдаушылар арасында қарсылыққа тап болады. «Бүгін қандай баға алдың?» деген сұрақ «Ал сен қазір не істеп жатырсың?» деген сұрақпен ауыстырылуы тиіс.

- Біздің лицейдің міндеті – үш жоғары сынып оқушыларынан өзіндік ұстанымы бар ересек адамдарды тәрбиелеу. Тіпті менен жоғары сынып оқушыларының ата-аналарының рөлі қандай деп сұрағанда да, мен: «Шетте тұру» деп жауап беремін. Ата-аналар не істеу керек, қалай істеу керек, қайда оқуға тапсыру керек және т.с.с.  ойларын сыртқа шығармай, өзінде ұстаса, бұл бала үшін жақсы болар еді, өйткені еріктен тыс енгізілген модельдер қайғылы аяқталады. Ересек адамның рөлі тек олардың сұранысына, проблемаларына жауап бере білуінде ғана, керісінше емес. Оқу үдерісіне келер болсақ, біз оқушының қызығушылығына және болашақ жоспарланған мамандығына байланысты пәнді тереңдету дәрежесін бөлеміз", - дейді ЭЖМ ҒЗУ лицейінің директоры Дмитрий Фишбейн.

Оқуға түсу кезіндегі оқушылардың саналы таңдауы, бәсекеге қабілеттілігі, бітірушілер үшін академиялық демалыс мүмкіндігі туралы «Жаңа мектеп» түлектер қорының директоры Кирилл Медведев айтып берді.

- Соңғы жылдары біз дәстүрлі оқыту түріндегі тәсілдер мен практикаға бағдарланған трендтер арасындағы тепе-теңдікті сақтауды үйрендік. Біздің оқушыларымыз бен түлектеріміз өздерінің білім беру құқықтарын қорғайды, олармен әңгімелесу жағымды, олар өздерінің білім беру траекториясын мағыналы түрде құрады. Сондай-ақ, біз екінші ауысым, «сырттай оқу» және бүкіл ел бойынша оқушылар үшін тәжірибе алмасу түрінде қосымша білім беру жүйесін енгіздік. Сонымен қатар, ересектер рөлдік модельдер, студенттерге қолдау көрсету, диалог құру, пікірталастар мен пікірсайыстар жүргізу, олардың әрі қарай дамуына көмектесу өте маңызды", - деді ол.

Тағы бір спикер Сергей Косарецкий мектептегі теңсіздік және оны қалай болдырмауға болатындығы туралы бірнеше дәріс оқыды. Оның айтуынша, мектеп таңдау, трекинг (оқушыларды IQ, қабілеттері және т.б. бойынша бөлу), іріктеу, бағдарламалар деңгейі бойынша мектептерді бөлу, мектепке қабылдау немесе қызмет үшін ақы алу, емтихандар мен тесттер, есеп беру және рейтингтер теңсіздіктің артуына түрткі болуы мүмкін.  Сонымен қатар, сауатты басқарушылық тәсіл, оқушылардың әлеуметтік және мәдени капиталын зерттеп зерделеу туындаған теңсіздікті азайтуға және бәсекеге қабілетті мамандарды өсіруге көмектеседі.

Естеріңізге сала кетейік, оқыту модульдері көшбасшылық, экономика және қаржы, өзгерістерді басқару, цифрлық білім беру, жаңа мазмұнды жобалау және білім беру саясаты саласындағы басқарушылық білім мен құзыреттілікті қалыптастыруға бағытталған. Оқыту форматы интерактивті презентациялардан, топтық жұмыстардан, тьюторлық сүйемелдеуден, қатысушылардың кейстерін көрсетуден, қонақ дәрістерінен және модульдік онлайн-курстардан тұрады. Іріктелген 50 білім беру ұйымдарының басшылары өздерінің орынбасарларымен (150 адам) сегіз модульдік оқытудан өтеді. Жоба осы жылдың шілде айында басталды. ол 2022 жылдың ақпанына дейін жалғасады. Модульдердің барлық командалары желтоқсан айының басында Алматыда Мәскеу, Тель-Авив және Сан-Францискодан онлайн-қосылумен өтетін EdCrunch Glocal-2021 жаңа білім беру технологиялары бойынша Жаһандық конференцияға қатыса алады.

Басқару командаларын кәсіби қайта даярлау бағдарламасы Алматы қаласы әкімдігінің бастамасымен, операторлар ҚР БҒМ қолдауымен "EdCrunch Academy" (ҚР) Заманауи білім беруді дамыту институты (РФ) және «Назарбаев Зияткерлік мектептері» АҚ-мен әріптестікте жүзеге асырылуда.