Қосылған құн салығы бойынша тіркеу есебінен шығару

Салық органының шешімімен қосылған құн салығы бойынша тіркеу есебінен қосылған құн салығын төлеушінің шығарылғаны туралы ақпарат қосылған құн салығы бойынша тіркеу есебінен шығару туралы шешім шығарылған күннен кейінгі бір жұмыс күні ішінде уәкілетті органның интернет-ресурсында орналастырылады. 
        Қосылған құн салығын төлеуші болып табылатын тұлғаның қызметі тоқтатылған салықтық тексеру жүргізу туралы салықтық өтініш не қызметті тоқтату туралы салықтық өтініш ұсынылған күннен бастап.
        Заңды тұлғалар бірігу, қосылу жолымен қайта ұйымдастырылған жағдайларда – таратудың салықтық есептілігі және беру актісі ұсынылған күннен бастап.
         Заңды тұлға бөліну жолымен қайта ұйымдастырылған жағдайда салықтық тексеру жүргізу туралы салықтық өтініш ұсынылған күннен бастап.
         Дара кәсіпкер, жеке практикамен айналысатын адам ретінде тіркелген және қосылған құн салығын төлеуші болып табылатын жеке тұлға қайтыс болған жағдайда айқындалған тәртіппен салық төлеушілердің мемлекеттік дерекқорынан алып тасталған күннен бастап жүргізіледі.
        Қосылған құн салығын төлеуші банкроттық себебі бойынша таратылған кезде қосылған құн салығы бойынша тіркеу есебінен шығару Бизнес-сәйкестендiру нөмiрлерiнiң ұлттық тiзiлiмiнен алып тасталған немесе дара кәсіпкер ретінде тіркеу есебінен шығарылған күннен бастап жүргізіледі. 

      
Нұр-Сұлтан қаласы Алматы ауданы бойынша мемлекеттік кірістер басқармасы «Салық төлеушілерді тіркеу, ақпараттарды қабылдау

 және өңдеу орталығы бөлімі»