"Газ 53" маркалы автокөлігінің жүргізушісі белгіленбеген жерде ағынды суды төккені үшін ұсталды

Қаламыздың санитарлық жағдайын жақсарту мақсатында Нұр-Сұлтан қаласы Полиция Департаментінің табиғатты қорғау полициясы қызметкерлерімен шаруашылық зәрнәжіс суын белгіленбеген орындарға төгуге жол берілмеуге  бағытталған іс-шаралар жүргізіліп, тұрғындар арасында әкімшілік заңнаманы бұзғаны үшін берілетін жауапкершілік туралы түсіндіру жұмыстары тұрғылықты түрде жүргізіліп отырады.

Осылайша, 2019 жылдың желтоқсан айының 22-ші жұлдызында «Байқоңыр» ауданы ПБ-ның ЖПҚБ-нің табиғатты қорғау полициясы қызметкерлерімен белгіленбеген орында, яғни А.Пушкин көшесінің бойында ағынды суды төккен  "Газ 53" маркалы автокөлігінің жүргізушісі ұсталды.

31  жастағы елорда тұрғыны ҚР ӘҚБтК-нің 505 бабы «Қалалар мен елдi мекендердiң аумақтарын абаттандыру қағидаларын бұзу…»  бойынша әкімшілік жауапкершілікке тартылып, 20 АЕК (50 500 теңге) көлемінде айыппұл салынды. Сонымен қатар, аталған көлік айыппұл тұрағына қойылды.

Жалпы жыл басынан бері, белгіленбеген орындарда зәрнәжіс суын төккен 150-ден астам азамат әкімшілік жауапкершілікке тартылды.

Салынған айыппұлдың жалпы соммасы 7 млн. теңгеге жуық сомманы құрайды.

                                                     Нұр-Сұлтан қ. ПД баспасөз қызметі