Ақмола облысының алқа отырысында өткен жарыстардың қорытындылары мен спортты дамыту мәселелері талқыланды

Көкшетау қаласында Ақмола облысы дене шынықтыру және спорт басқармасының алқа отырысы өтті, онда облыстық басқарма қызметінің қорытындысы шығарылып, дамудың өзекті мәселелері айтылды.

Отырысқа алқа мүшелері, аудандар мен қалалардың дене шынықтыру және спорт бөлімдерінің басшылары, балалар-жасөспірімдер спорт мектептерінің директорлары, басқармаға қарасты ұйымдардың директорлары мен бас бухгалтерлері, спорт түрлері бойынша облыстың аға жаттықтырушылары, сондай-ақ Арнайы мониторингтік топтың жетекшісі Владислав Шуль қатысты.

Кездесу барысында спорт бөлімінің басшысы Анастасия Шкробот ҚР ІІІ қысқы жастар ойындарында өңір спортшыларының өнер көрсетуін қорытындылады. Облыстық дене шынықтыру және спорт басқармасы басшысының орынбасары Қуаныш Қуатбеков ҚР V жазғы спартакиадасында Ақмола облысы спортшыларының өнер көрсету нәтижелері туралы айтып берді.

Сондай-ақ, өңір спортшыларының ҚР Ұлттық спорт түрлерінің V фестиваліне және республиканың V Паралимпиадалық ойындарына қатысу қорытындысы ұсынылды.

Арнайы мониторингтік топтың жетекшісі Владислав Шуль алқада сөз сөйлеп, сыбайлас жемқорлыққа қарсы мәдениетті қалыптастыру және қоғамның әдептілігі мен сатылмаушылығын насихаттау бойынша жүргізіліп жатқан жұмыстар туралы айтып берді. Сонымен қатар, ол өз сөзінде спортты материалдық-техникалық қамтамасыз ету, жаттықтырушылар құрамының тапшылығы, жаттықтырушы-оқытушылардың еңбегіне ақы төлеу, жиын ұйымдастырушылармен өзара іс-қимыл жасау, ұлттық спорт түрлерін дамыту, республикалық және облыстық жарыстарды өткізу тәртібі және т.б. мәселелерді атап өтті.

Сонымен қатар, отырыста Басқарманың ведомстволық бағынысты ұйымдарында ағымдағы жылдың 10 айында қаржы-шаруашылық қызметін тексеру, сондай-ақ облыстық басқарманың ведомстволық бағынысты ұйымдарында бақылау-аудару нормативтерін қабылдау қорытындылары туралы баяндалды.

Алқа дене шынықтыру және спорт саласындағы іс-шараларды дамыту және іске асыру жөніндегі алдағы жоспарларды қарастырумен аяқталды.

Қазақстан Республикасының Сыбайлас жемқорлыққа қарсы іс-қимыл Агенттігінің Ақмола облысы бойынша Департаменті