Криминологиялық форумның отырысы

Құқық қорғау органдары академиясында Криминологиялық форумның кезекті отырысы өтті, онда қылмыстарды, қылмыстық теріс қылықтарды және әкімшілік құқық бұзушылықтарды шектеу мәселелері талқыланды.

Күн тәртібін талқылауға Президент Әкімшілігінің, Жоғарғы Соттың, Конституциялық кеңестің, ғалыми және адвокаттық қоғамдастықтың өкілдері, Парламент депутаттары, орталық құқық қорғау және мемлекеттік органдардың қызметкерлері қатысты.

Академия Ректоры Ерғали Мерзадинов форумды аша отырып, қылмыстық және қылмыстық іс-жүргізу заңнамасындағы өзекті мәселелерді шешуді жүзеге асыруда Криминологиялық форумның талқыланатын диалогтық алаң ретінде маңызды рөлге ие екенін атап өтті.

Отандық заңнама әкімшілік құқық бұзушылықтар, қылмыстық теріс қылықтар мен қылмыстар үшін жауапкершілікті көздейді. Бірақ, тәжірибе көрсетіп отырғандай, әр түрлі әрекеттердің бір мағыналы және қатесіз саралануы көбінесе қылмысты өзге құқық бұзушылықтардан ажыратуда нақты критерийлердің болмауына, қоғамдық қауіптілік дәрежесін анықтауға және соның салдарынан оларды жасағаны үшін жауапкершілік шараларын қолдануға кедергі келтіреді.

Мәселен, ғылыми-зерттеу барысында қылмыстық және әкімшілік заңнамадағы жаза мөлшерінің арақатынасында елеулі ауытқулар анықталды. Кейбір теріс қылықтар бойынша жаза қылмыстарға қарағанда жоғары көзделген кезде қылмыстық жауаптылықтың өлшемсіздігі фактілері анықталды. Осыған орай, ғалымдар Конституцияда бекітілген құндылықтарға сүйене отырып, әрекеттерді шектеу критерийлерін анықтауға әрекет жасады.

Форум қорытындысы бойынша мемлекеттік қылмыстық саясатты жетілдіруге бағытталған ұсыныстар әзірленді.

          Құқық қорғау органдары Академиясының баспасөз қызметі