Криминалдық полиция қызметкерлері елорда аумағында шойын люктерді ұрлаумен айналысатын бір топ адамдарды ұстады
Аталған қылмысты ашуда бейнекамералардың рөлі зор болды.
Ұсталғандар - Оңтүстік Қазақстан облысының тумалары, бұрын сотталған 30 жасар және оның танысы 23 жасар жігіттер болып табылады. Күдіктілер қалада түнгі уақытта автомашинамен жүріп, ұрлық жасаған. Осылайша қаскүнемдер құбыр құдықтардың отыз шойын қақпағын ұрлаған. Аталған факті 188-бап бойынша Сотқа дейінгі тергеп-тексерудің бірыңғай тізіліміне тіркелген. Сотқа дейінгі тергеп-тексерілу жүргізілуде. Күдіктілердің осыған ұқсас басқа да қылмыстарға қатыстылығы тексерілуде.
Қаскүнемдер ұрланған шойын люктерді металл қабылдау орындарына тапсырған. Бүгінгі таңда сатып алушыларды әкімшілік жауапкершілікке тарту және «ұрланған затты сатушы» ретінде есепке қою туралы мәселе шешілуде.
Құбыр люктерді ұрлай отырып, қаскүнемдер тек қана материалдық шығын келтірмейді, сонымен қатар азаматтардың денсаулығы мен өміріне қауіп төндіретінін атап өткен жөн.
[xfvalue_img]
