СҚО мемлекеттік органдары бизнес-қауымдастық алдында есеп берді

СҚО Сыбайлас жемқорлыққа қарсы қызметінің басшылығы бақылау-қадағалау органдарының бизнес-қоғамдастығы алдындағы «Бірыңғай есеп күніне» қатысты.

«Шетелдік және отандық инвесторлардың құқықтары мен мүдделерін қорғау Сыбайлас жемқорлыққа қарсы іс-қимыл агенттігінің негізгі басымдықтарының бірі болып табылады. Қабылданып жатқан жүйелі және кешенді шаралар нәтижесінде сыбайлас жемқорлық қылмыстар саны жылдан жылға тұрақты түрде азайып келеді. Атап айтқанда, республика бойынша 3 жыл ішінде төмендеу 11%-ды құрады»,- деді СҚО Сыбайлас жемқорлыққа қарсы қызметінің Превенция басқармасының басшысы Дамир Хабибулин.

Мысал ретінде қызметі өңірдің бизнесін дамытуға бағытталған «Солтүстік» ӘКК АҚ-да талдамалық жұмыстың нәтижелері келтірілген.

«Жеңілдікті кредит беру тетігін қайта форматтау нәтижесінде әрбір кәсіпкер енді өзінің бизнес-идеяларын іске асыруға мүмкіндік алады. Қазіргі уақытта ӘКК ұсынған ұсынымдардан кейін бәсекелестік тәсілмен 5 жеңілдетілген қарыз берілді», - деді Дамир Хабибулин.

Спикер ӘКК өңірге инвестициялар тарта отырып, инвестициялық және инновациялық жобаларды нақты іске асыру жөніндегі алаңға айналуы тиіс екенін, сондықтан оны трансформациялау жөніндегі жұмыс жалғастырылатынын атап өтті.

Сонымен қатар, кездесуде бизнес тарапынан шағын бизнеске арналған жылу және электр энергиясы қызметтеріне тариф белгілеуге және кәсіпкерлердің жер учаскелерін алуының заңдылығын тексеруге қатысты бірқатар проблемалық мәселелер көтерілді.