Петропавлда «Адал көмек» жобасы аясында азаматтарды қабылдау өтті

«Аntikor ortalyǵy» сервистік орталығында мемлекеттік тұрғын үй қорынан тұрғын үй алу үшін кезекке тұрғызу мәселелері түсіндірілді. Петропавл қаласы әкімдігінің ТКШ бөлімінің коммуналдық және ипотекалық тұрғын үйді есепке алу және бөлу, құқықтық жұмыс секторының бас маманы Қайрат Ахметовке қабылдауға облыс орталығының тұрғындары жүгінді. Мысалы, бюджеттік ұйымның қызметкері Ерлан Әбілкәрімовке мемлекеттік органның оны тұрғын үй кезегіне қоюдан бас тартқаны сұрақ тудырды.

Сарапшының айтуынша, мамыр айында жас жігіт өтініш берген кезде база дұрыс жұмыс істемеген. «Бұл жүйедегі ақаулыққа немесе құжаттар тізбесінің болмауына байланысты болуы мүмкін. Мысалы, жұмыс орнынан анықтаманың жоқтығы. Мен өтінімді қайта беруді ұсынамын. Қазіргі уақытта бағдарлама жұмыс істейді, шағымдар түскен жоқ», - деді Қайрат Ахметов.

Сонымен қатар, сұрақтар кезекте тұрғандар тізімін жаңартуға қатысты болды.

Маманның айтуынша, кезекте тұрғандар базасы тоқсан сайын жаңартылып отырады, соңғы жаңарту мамыр айында болған.

Бұған дейін аумақтық Департамент жетім ретінде кезекте тұрған азаматты алып тастау мәселесін қарастырған болатын. Мемлекеттік органның араласуынан кейін азаматтың құқықтары қалпына келтірілді.

Айта кетейік, жаңа талаптар аясында Солтүстік қазақстан облысы бойынша Сыбайлас жемқорлыққа қарсы іс-қимыл департаменті тұрақты негізде өңір халқы үшін сезімтал мәселелер мен салаларға тұрақты негізде мониторинг жүргізеді.