2021 жылғы желтоқсанда Нұр-Сұлтан қаласындағы инфляция 0,9%-ды құрады

Желтоқсан айында азық-түлік тауарларының бағасы - 1,1%-ға өсті, азық-түлік емес тауарлар - 0,4%-ға, ақылы қызметтер тарифтері - 1,2%-ға қымбаттады.

   Тұтыну бағаларының индексі

пайызбен, өсуі +, төмендеуі -

2021 жылғы желтоқсан айында жұмыртқа бағасы 5,9%-ға, күріш - 4,8%-ға, тауық - 4,5%-ға, жармалар - 4%-ға, макарон өнімдері - 3,8%-ға, нан - 3,3%-ға, балық және теңіз өнімдері - 3,2%-ға, тоқаш және ұннан дайындалатын кондитер өнімдері - 3%-ға, алкогольсіз сусындар - 1,5%-ға, жемістер мен көкөністер - 1,4%-ға, қара байха шайы - 1,3%-ға, май және тоң май - 0,9%-ға,  ірімшік және сүзбе, шошқа еті,  алкогольді ішімдіктер мен темекі өнімдері - 0,8%-ға, жоғары сұрыпты бидай ұны - 0,7%-ға, басқа санаттарға енгізілмеген тамақ өнімдері - 0,5%-ға, сүт өнімдері, сиыр еті, кондитерлік өнімдер - 0,3%-ға, сүйегі бар қой еті - 0,2%-ға қымбаттады. Сонымен қатар құмшекер бағасы 2,8%-ға, шұжық, ет өнімдері - 1,4%-ға, қышқыл сүт өнімдері - 0,5%-ға төмендеді. Жармалар тобында, арпа жармасы - 17,5%-ға, сөк - 6,6%-ға, жүгері жармасы - 4%-ға, қарақұмық жармасы - 3,5%-ға, ұнтақ жармасы - 2,2%-ға қымбаттады. Көкөністерден, қияр бағасы - 32,5%-ға, қызылша - 4,7%-ға, қызанақ - 2,3%-ға өсті, ақ қауданды қырыққабат - 16,5%-ға, картоп - 14,2%-ға, басты пияз - 5,4%-ға төмендеді.

Автомобильдер - 2,4%-ға, тұрмыстық аспаптар - 2,2%-ға, үй тұрмысында қолданылатын тоқыма бұйымдар - 1,2%-ға, фармацевтикалық өнімдер, жеке қолданатын өзге де тауарлар және аспаптар, заттар - 0,4%-ға, киім және аяқ киім- 0,2%-ға, шыны бұйымдары, асханаға және үйге қажетті керек-жарақтар - 0,1%-ға қымбаттады. Бензин - 0,9%-ға  қымбаттады, дизель отыны - 0,1%-ға төмендеді.

Ақылы қызмет көрсету саласында, абаттандырылған тұрғын үйді жалға алу төлемі - 7%-ға, сақтандыру - 4%-ға қымбаттады. Әуе жолаушылар көлігінің қызметтеріне тарифтер - 26,5%-ға, теміржол - 0,1%-ға өсті.    

Ұлттық статистика бюросының Нұр-Сұлтан қаласы бойынша департаменті