АУЫЛ ШАРУАШЫЛЫҒЫ БАСТЫ НАЗАРДА БОЛУЫ ТИІС

«Antikor LIVE» жобасы аясында VII шақырылған Өскемен қалалық мәслихатының депутаты Хуанбай Аскерханның қатысуымен тікелей эфир өтті.

  Эфир барысында Аграрлық саясат және ауыл шаруашылық саласындағы мәселелер талқыланды.

«Мен өз басым ауыл шаруашылығы саласының маманы емеспін. Ол салады қызмет істеген жоқпын. Бірақ, десе де өзіміз ауылдың баласымыз және ауылмен байланысымыз үзілген жоқ. Ауылдың жай-күйін жақсы білеміз. Біздің жеріміз кең байтақ. Ауыл шаруашылығы саласы біздің еліміз үшін аса маңызды сала болып табылады. Біздің жеріміздің сәні малымыз, бір жағы егініміз деп мақтанышпен айтамыз. Тәуелсіздік алғалы бері 30 жылда көптеген істер атқарылды. Жерді игеру, оны пайдалану оңайға соққан жоқ. Бірақ соның өзінде кемшіл тұстары баршылық. Ол уақыт өте шешімін табады деп ойлаймын. Қазірдің өзінде жаңа жобалар жүзеге асырылып, шаруашылықты дамыту бойынша арнайы бағдарламалар әзірленді. Ең бастысы қай сала болмасын ашықтықты қамтамасыз етуі керек», - дейді мәслихат депутаты.

Сонымен қатар, эфир қонағы ауыл шаруашылығын қолдауға қандай субсидиялар қарастырылған және оларды алу тәртібі қандай сынды бірқатар сауалдарға жауап беріп, өз ұсыныстарын білдірді.

«Менің ойымша ауыл шаруашылығы саласымен айналысатын мамандарды шетелдің тәжірибиесіне сүйене отырып, оқытудан өткізу керек. Сондай-ақ түрлі семинарларды көптеп ұйымдастыру қажет. Ал мемлекет тарапынан қолдау жүйелі, әрі ашық түрде болғаны абзал», - деп атап өтті А. Хуанбай.