МАГИСТРАТУРАҒА ЕМТИХАН ТАПСЫРУ КЕЗІНДЕГІ ҚОҒАМДЫҚ БАҚЫЛАУ

Ағымдағы жылдың 10-14 тамызы аралығында ҚР Білім және ғылым министрлігінің бастамасымен Қазақстанның барлық өңірлерінде магистратураға гранттарды бөлу кезінде ҚР Сыбайлас жемқорлыққа қарсы іс-қимыл агенттігінің Арнайы мониторингтік тобының мүшелері мен қоғам қайраткерлері емтихандарға тартылды.

Сонымен, 5 күн ішінде астаналық жоғары оқу орнында Нұр-Сұлтан қаласы бойынша Сыбайлас жемқорлыққа қарсы қызмет департаментінің арнайы мониторингтік тобының мүшелері және қоғамдық комиссия өкілдері бақылау жүргізді.

Бақылаушылар ретінде жұртшылықтың қатысуы гранттарды бөлу кезіндегі рәсімдердің ашықтығы мен адалдығына бағытталған жаңа құрал болып табылады және түсу кезінде лайықты үміткерлерді анықтауға мүмкіндік береді. Сонымен қатар, барлық аудиториялар бейнебақылаумен жабдықталған және жұртшылыққа онлайн режимінде тестілеуді өткізу барысын қадағалауға мүмкіндігі болды.

Арнайы мониторингтік топтың төрағасы Шавкат Исмаилов атап өткендей, " Бүгінгі күні мемлекет пен қоғам алдында адал ұрпақты тәрбиелеу міндеті тұр, бұл жағдайда қоғамның қатысуы университетке түсу рәсімін ашық етуге мүмкіндік береді. Мемлекеттік органдарда өтетін барлық үдерістер транспаранттылық пен адалдық қағидаттарына негізделуі тиіс деп ойлаймын".

Гранттарды бөлу кезінде қатысуға 5 254 өтінім берілді, оның ішінде емтиханға 5 081 талапкер қатысты, бақылау комиссиясы мультимедиялық құралдарды, шпаргалкаларды, смарт – сағаттарды пайдалану себебінен 177 талапкер шектелді, сондай-ақ 7 жалған тұлғаны анықтады.

Жұмыс барысында арнайы мониторингтік топ мүшелері гранттарды беру сапасына әсер ететін ішкі бизнес – процестерді жақсарту бойынша ұсыныстар берді.