Астана қаласының жоғары оқу орындарында студенттерге қызмет көрсету орталығы ашылуда

Бұл жөнінде Мемлекеттік қызмет істері және сыбайлас жемқорлыққа қарсы іс-қимыл Агенттігінің Төрағасы Алик Шпекбаев пен Астана қаласының әкімі Бақыт Сұлтановтың «Астана медицина университеті» АҚ жұмыс сапарында белгілі болды.

Медицина университетінің ректоры Мәжит Шайдаров «e-University» студенттерге қызмет көрсету орталығы студенттер мен қызметкерлерді уақтылы және жоғары сапалы қызмет көрсетумен қамтамасыз ететін атап өтті.

 Мемлекеттік қызмет істері және сыбайлас жемқорлыққа қарсы іс-қимыл Агенттігінің әкімдікпен бірлескен сыбайлас жемқорлыққа қарсы «Астана – адалдық алаңы» жобасын жүзеге асыру шеңберінде студенттерге қызмет көрсету орталығы ашылды.

 «e-University» орталығына электронды пошта мен электронды құжаттардың автоматтандырылған ақпараттық басқару жүйелеріндегі деректерді өңдеуге арналған компьютерлік техникалық және  бағдарламалық құралдарды пайдалануды ұйымдастырудың жаңа әдістері енгізілуде.

«е-University» орталығы - әрбір студенттің жүгінетін сұрақтарына жауап алатын орын.

Орталықтың қағидаттары: алынған ақпараттың құпиялылығы, сенімге негізделген серіктестік, мәселелерді шешуде объективтілік, сенімді ақпарат беру.

«е-University» орталығы - университет әкімшілігі мен студенттер арасында жаңа диалог құру болып табылады, ол университетте ұсынылатын қызметтердің мәдениеті мен сапасын жақсартуға ықпал етеді.

Орталық жатақханаларда электрондық есеп жүргізуге мүмкін береді, бұл өз кезегінде бөгде тұлғаларсыз онлайн-жүйеде бөлмелерді үйлестіруге мүмкіндік береді.

Алик Шпекбаев пен Бақыт Сұлтанов Орталықтың жұмысын оң бағалады. Алик Шпекбаев елорданың басқа университеттеріне және колледждеріне Медицина университетінің тәжірибесін тарату бойынша ұсыныс берді.

Сондай-ақ университетте «адалдық дүкені» ашылды, онда студент қажетті тауарды сатып алып арнайы қорапқа ақшасын қалдырады. Яғни, кассалық аппараттың көмегінсіз  жұмыс істейді.

Мұндай жобаны жүзеге асыру жастардың тәрбиесі мен адалдығын арттыруға бағытталған.

ҚР МҚІСЖҚІА Баспасөз қызметі