Елордалық квазимемлекеттік сектор басшыларының қатысуымен сыбайлас жемқорлыққа қарсы комплаенс құру туралы кездесу өтті.

Бүгін «Antikor Ortalyǵy»-да Нұр-Сұлтан қаласы бойынша Сыбайлас жемқорлыққа қарсы іс-қимыл департаментінің бастамасымен елорданың квазимемлекеттік секторлар басшыларының қатысуымен сыбайлас жемқорлыққа қарсы комплаенс құру бойынша кездесу өтті.

Іс-шараға Нұр – Сұлтан қаласы бойынша Сыбайлас жемқорлыққа қарсы іс-қимыл департаменті басшысының бірінші орынбасары Бақытжан Ниязов, ҚР Президенті жанындағы Мемлекеттік басқару академиясының сыбайлас жемқорлыққа қарсы іс – қимыл мәселелерін зерделеу орталығының сарапшы-талдаушысы Айбек Қабылдин, сондай-ақ елордалық 20-дан астам квазимемлекеттік сектор басшылар қатысты.

Өз сөзінде Бақытжан Ниязов бизнесті парасатты жүргізудің маңыздылығын атап өтті.

Квазимемлекеттік секторларда сыбайлас жемқорлыққа қарсы комплаенсті енгізу жөніндегі міндет заңнамалық деңгейде енгізілген және корпоративтік адалдық стандарттарының сақталуын бақылауды көздейді.

Ол аталған жұмыстар комплаенс-қызметтерді құру, оларды білікті кадрлармен жасақтау барлық квазимемлекеттік секторларда жүргізіліп жатқанын атап өтті.

Айбек Қабылдин ISO 37001 «парақорлықпен күрес менеджменті жүйесі» стандарты және оның негізінде сыбайлас жемқорлыққа қарсы комплаенс қалай құруға болатыны туралы толығырақ айтып берді.

Квазимемлекеттік секторда сыбайлас жемқорлыққа қарсы комплаенс институты жүргізілген сәттен бастап академия парасатты бизнес қағидаттарын қалыптастыру бойынша кешенді жұмыс жүргізуде. Ол үшін комплаенс-офицерлерді оқыту модульдері және сыбайлас жемқорлыққа қарсы комплаенс бойынша ұйымдарды сертификаттау процесі іске қосылды – деп хабарлады спикер.

Айбек Қабылдин қатысушыларды ISO 37001 стандарты негізінде сыбайлас жемқорлыққа қарсы комплаенс жүйесін құрудың негізгі элементтерімен және кезеңдерімен таныстырды.

Сондай-ақ қатысушыларға өздерін қызықтырған сұрақтар қоюға мүмкіндік беретін ашық диалог өтті.

Бұл бағыттағы жұмыс жалғасатын болады.