Қазақстан Республикасының Азаматтық процестік кодексіне енгізілген өзгерістер мен толықтырулар талқыланды
Орал қаласының №2 сотында «Қазақстан Республикасының Азаматтық процестік кодексіне соттар жұмысының заманауи форматтарын ендіру, артық сот рәсімдері мен шығындарын қысқарту мәселелері бойынша өзгерістер мен толықтырулар енгізу туралы» тақырыбында дөңгелек үстел ұйымдастырылды.
Аталған шараға сот мамандары қатысты.
Дөңгелек үстелдің негізгі мақсаты – кодекске енгізілген өзгерістер мен толықтыруларды сот қызметкерлеріне жеткізу және жұмыста дұрыс қолдану болып табылады.
"Дөңгелек үстелде" сөз сөйлеген сот маманы Асиля Биссалиева енгізілген өзгерістер мен толықтырулар бойынша басты мәселелерді көтеріп Заңның дұрыс қолдану қажеттілігіне назар аударды.
Ол өз баяндамасында, АПК-ке енгізілген өзгерістер уақыт ағымына, заманауи ақпараттандыруға негізделген атап өтті.
«Дөңгелек үстелге» қатысушылар осы іс-шараның өзектілігін тілге тиек етіп, тақырыпқа қатысты өз пікірлерін ортаға салып талқылады.
Орал қаласының №2 соты
[xfvalue_img]
