«ANTIKOR.LIVE»: сыбайлас жемқорлық туралы хабарлағаны үшін көтермелеу сомасы

 «ADAL KÓMEK» жобасы аясында «Антикор орталығында» ШҚО-ның Сыбайлас жемқорлыққа қарсы қызмет басшысының бірінші орынбасары Жігер Байділдин облыстың заң консультанттар палатасының заңгері Юлия Федченкомен бірге сыбайлас жемқорлық фактілері туралы хабарлаған азаматтарды көтермелеу жүйесін және ҚР «Неке (ерлі-зайыптылық) және отбасы туралы» Заңының нормаларын түсіндіру бойынша тікелей эфир өткізді.

Тікелей эфир барысында Жігер Байділдин сыбайлас жемқорлық фактілері туралы хабарлаған азаматтарды көтермелеу жүйесінің қағидалары туралы айтты.

"Сыбайлас жемқорлық фактілері туралы хабарлаған тұлғаларды көтермелеу сыбайлас жемқорлыққа қарсы іс-қимылдың тиімді әдісі болып табылады. Бұл мәселеге көп көңіл бөлеміз. Нәтижесінде Мемлекет сасшысының тапсырмасы бойынша сыбайлас жемқорлық фактілері туралы азаматтарды көтермелеу жүйесі құрылды. Азаматтарды көтермелеудің жаңа сараланған жүйесі енгізілді. Бұрын бұл қылмыс санатына байланысты жүзеге асырылды. Қазіргі уақытта егер пара сомасы 1 мың АЕК-тен жоғары болса, ол туралы хабарлаған адам пара немесе залал сомасының 10%-ын алады. Егер сыбайлас жемқорлық қылмысы 5 млн теңгеге бағаланса, сыбайлас жемқорлық фактісі туралы хабарлаған тұлға 500 мың теңге алады", - деп түсіндірді Жігер Байділдин.

Сондай-ақ, тікелей эфир барысында, Юлия Федченко ҚР «Неке (ерлі-зайыптылық) және отбасы туралы» Заңы бойынша азаматтар жиі құқықтық кеңес сұрайтын нормасы, атап айтқанда некені (ерлі-зайыптылықты) бұзу кезінде ерлі-зайыптылар арасында туындайтын даулар туралы түсіндірді. Жоғарыда аталған Заңның 18 бабына сәйкес, некені (ерлі-зайыптылықты) бұзу кезінде ерлі-зайыптылардың арасында ортақ мүлікті бөлуге, еңбекке қабілетсіз жұбайын, сондай-ақ кәмелетке толмаған балаларын күтіп-бағуға қаражат төлеуге қатысты туындайтын даулар медиация тәртібімен немесе сот тәртібімен қаралады.

Тікелей эфир соңында спикерлер азаматтардың сұрақтарына жауап берді.