Сот актісін орындамағаны үшін қамаққа алынды
Әйтеке би аудандық сотында азамат А.-ға қатысты Қазақстан Республикасы Әкімшілік құқық бұзушылық туралы Кодексінің 669-бабымен әкімшілік құқық бұзушылық туралы іс қаралды (Сот үкiмiн, сот шешiмiн немесе өзге де сот актiсiн және атқарушылық құжатты орындамау).
Іс құжаттарына сәйкес, азамат А. Әйтеке би аудандық сотының 2017 жылғы сот шешімі бойынша сот шығындарын төлемей, сот шешімін және атқарушылық құжаттың талаптарын орындамаған.
Сот отырысында құқық бұзушы А. өзінің кінәсін толық мойындаған.
Сот қаулысымен А. ҚР ӘҚБтК-нің 669-бабымен кінәлі деп танылып, оған 2 (екі) тәулікке қамаққа алу түріндегі әкімшілік жаза қолданылды.
Қаулы заңды күшіне енген жоқ.
Ақтөбе облысы Әйтеке би аудандық
сотының баспасөз қызметі
[xfvalue_img]
