Тоғыз айдың қорытындысы бойынша жұмыстық кездесу өтті
Батыс Қазақстан облысы Орал қаласының №2 сотында облыстық сот төрағасы Б.Әметовтың төрағалығымен 9 ай қорытындысы бойынша жұмыстық кездесу өтті.
Іс шара барысында сот төрағасы А.Борамбаевтың статистикалық есебі тыңдалды, сонымен қатар сот судьяларымен сот төрелігін сапалы жүзеге асыру мәселелері талқыланды. Алдағы уақытта атқарылар жұмыстардың сапасын арттыру бағытында судьяларға жеке бағыттар бойынша мамандандыру, облыстық соттан тәлімгер бір судьядан бекіту, татуластырушы-судья тағайындау туралы ұсыныстар түсті.
Кеңес барысында қатысушылардың назарына жоғары сатыдағы соттардың тапсырмаларын тиісінше орындау, соттардың жұмысына заманауи ақпараттық технологияларды кеңінен қолдану, «Төрелік» ақпараттық жүйесінің тиісінше жұмыс жасауын, электронды сот ісін жүргізуді дамытуға белсенді ықпал ететін, әрбір сот отырысында АБЖ жүйесін 100% қолдану ұсынылды.
Кеңес қорытындысы бойынша Б.Әметов 2019 жылдың төртінші тоқсанында атқарылатын бірқатар міндеттерді алға қойды.
Олеся Ташимова
Орал қаласының №2 сотының БАҚ-пен жұмысқа жауапты маманы
[xfvalue_img]
