Сыбайлас жемқорлық көріністеріне қарсы іс-қимыл

Казталов  ауданының №2  аудандық сотының төрағасы Айвар Бижанов «Сыбайлас жемқорлық  көріністеріне қарсы іс-қимыл»  тақырыбында семинар өткізді. Бұл шараға Казталов ауданының  прокуроры Нұрлыбек Мұсағалиев, Жалпақтал полиция бөлімінің бастығы Әзілхан Қайырханов, МКҚБ ММ-нің қызметкерлері қатысты.

Сот төрағасы өз сөзінде 2015-2025 жылдарға арналған сыбайлас жемқорлыққа қарсы бағдарламаның негізгі бағыттары туралы айтып, жемқорлық қоғамның барлық салаларын: экономика мен әлеуметтік саланы, сонымен қатар саяси ахуалға әсер етіп,  ұлттық қауіпсіздік мүдлелеріне нағыз қауіп төндіретінін түсіндірді.

Баяндаушы  сыбайлас жемқорлықпен күресу әр азаматтың міндеті екенін және шараға қатысушыларды бұл құбылыстың кез келген көріністеріне "нөлдік" шыдамдылық атмосферасын құру арқылы сыбайлас жемқорлыққа қарсы іс-қимыл қағидаларын сақтап жүруге шақырды.

Сонымен қатар,  төраға сот ғимаратындағы өткізу және объектішілік режим туралы ереже талаптарының сақталуына, жеке және заңды тұлғалармен іс жүргізуден тыс қарым-қатынасты болдырмау, өз қызметінің кез келген нысандарында ымыраласу жағдайларын болдырмау, өзінің қызметтік міндеттерін адал, әділ және сапалы орындау туралы күзет қызметі қызметкерлерінің назарын аударды.

 Семинарға қатысқандар өздерінің пікірлерін және осы бағыт бойынша туындаған мәселелерді және оларды шешу жолдарын айтты.

Казталов  ауданының №2  аудандық соты