Сот жалғызбасты ананың құқығын қалпына келтірді

Орал каласынын №2 сотына қала тұрғыны Орал қаласы әкімінің мемлекеттік тұрғын үй қорынан баспана алу кезегін қалпына келтіруден бас тарту бөлігін заңсыз деп тану және мемлекеттік тұрғын үй қорынан баспана алу кезегін қайта қалпына келтіру туралы талап арызымен жүгінді.

Сот талапкер Ш.1987 жылдан бастап атқару комитетінің №151 шешімімен жалғыз басты ана ретінде тұрғын үйге мұқтаж есебіне № 139/1227-нші болып қабылданған. Орал қаласы әкімінің қаулысымен «толық емес отбасы» санатынан алынып тасталған. Бұған негіз болған Тұрғын үй-тұрмыстық комиссиясының аталмыш азаматшаның иелігінде тұрғын үйдің болуы. Алайда аталған тұрғын үй сарапшылардың қорытындысына сәйкес апатты және тұруға жарамсыз деп танылған.

Қазақстан Республикасының «Тұрғын үй қатынастары туралы» Заңының 73 бабының 1 бабы 4 бөлігіне сәйкес, осы Заңда белгіленген тәртіппен тұрғынжайға мұқтаж деп танылған және есепке қойылған жетім балалар және ата-анасының қамқорлығынсыз қалған балалар, толық емес отбасылар, сондай-ақ   көпбалалы отбасылар тұрғынжай алғанға дейін есептен шығарып тастауға жатпайды, яғни сол тәртіппен мемлекеттік тұрғын үй қорынан тұрғын үй алу құқығын сақтап қалады.

Қазіргі уақытта, талапкер мемлекеттік қордан баспанамен қамтамасыз етілмеген, тұрғын үй құқығы тізілімінен алып тастау кезінде де, сот талқылауы  уақытында да тұрғын үй алу құқығын жүзеге асырмаған.

Жауапкердің әрекеттері қолданыстағы заңнамаға қайшы келіп, талап қоюшының құқықтарын бұзатын болғандықтан, сот жауапкердің мемлекеттік тұрғын үй алу кезегін қалпына келтіруден бас тарту бөлігін заңсыз деп танып, талапкердің мемлекеттік тұрғын үй қорынан баспана алу кезегін қалпына келтіру туралы талабын қанағаттандырды.

Мемлекеттік мекемелеріне сот шешімімен келіскендіктен шағым түспеді, орындауға алынды.

Сот шешімі заңды күшіне енді.

О.К.Ташимова

Орал қаласының №2 сотының БАҚ-пен жұмысқа жауапты маманы