Сот ісін мемлекеттік тілде жүргізу
Мұғалжар аудандық сотында «Сот ісін мемлекеттік тілде жүргізу» тақырыбында дөңгелек үстел өтті. Іс-шараға Мұғалжар аудандық сотының төрағасы А.Т.Анарбаев, Мұғалжар аудандық прокуратура қызметкері Д.Куштаев, Мұғалжар аудандық полиция бөлімінің қызметкері А.Жангелдин, аудандық мәдениет және тілдерді дамыту бөлімінің өкілі Г.Жаңабергенова және сот қызметкерлері қатысты.
Сот төрағасы Абитхан Анарбаев соттар ішкі құжат айналымында қазақ тілін қолдану бойынша белсенді жұмыс жасайтынын атап өтті. Сонымен қатар, сот төрағасы іс-шараның өзектілігін және маңыздылығын атап, Қазақстан Республикасының әрбір азаматы мемлекеттік тілді құрметтеуге тиіс екенін айтып өтті.
Іс-шара соңында қатысушылар мемлекеттік тілдегі істер мен материалдардың санын көбейту, мемлекеттік тілде сот ісін жүргізуде туындайтын мәселелерді талқылады және ұсыныстар қабылдады.
Ақтөбе облысы Мұғалжар аудандық сотының бас маманы А.Шекенова
[xfvalue_img]
