Жуалы аудандық сотының ұжымы ағылшын тілі бойынша сертификаттарын алды.

Жуалы аудандық сотының судьялары мен мемлекеттік қызметкерлеріне  ағылшын тілінің оқу курстарын бітіргені туралы сертификаттары берілді.

       Табыстау кезінде тілдерді оқыту орталығының ағылшын тілінің оқытушысы А.Б.Омарова, судья Б.Жамалбекұлы және мемлекеттік қызметкерлер қатысты.  

       Аталған курстар осы жылдың қаңтар мен шілде айлары аралығында аудандық сот ғимаратында жүргізіліп, судьялар мен мемлекеттік қызметкерлер ағылшын тілін білуде тәжірибелерін ұлғайтқан. 

       Ағылшын тілінің мемлекеттің барлық саласында қолданылуы мен дамуы ҚР Президентінің 31.01.2017 жылғы Жолдауының төртінші басымдығында көрсетілген. Қазақстан үш тілді білу деңгейінде жоғары білімді мемлекет болып танылуы қажет, осы тілдердің ішінде ағылшын тілі – әлемдік экономиканың біріктіруші тілі ретінде танылған.

       Сот қызметкерлерімен ағылшын тілін меңгеруі олардың жұымысына ешқендай кедергі келтірмейді, керісінше келешекте жұмыста қолдануға қосымша тәжірибе береді.

       Оқыту курстарын өткізген тілдерді оқыту орталығының оқытушысы А.Б.Омарова соттың ұжымына сертификаттарын тапсыру кезінде алдағы уақытта тілдерді білу білімін жалғастыруды және шетел тілдерін меңгеру деңгейін жоғарылатуды тіледі.

       Өз кезегінде судья Б.Жамалбекұлы оқытушыға аталған курстарда білім алуға мүмкіншілік бергені үшін алғысын білдіріп, олардың жұмысына сәттілік тіледі.

Жуалы аудандық сотының баспасөз қызметі