Жаңақала аудандық сотында сыбайлас жемқорлықтың алдын алу жөнінде жиын өтті

Жаңақала аудандық сотында кеңсе меңгерушісі А.Искакова, кеңсе мамандарының және ҚР ІІМ «Мамандандырылған күзет қызметі басқармасы» ММ қызметкерлерінің қатысуларымен сыбайлас жемқорлықтың алдын алу жөнінде жиын өтті  

Іс шара барысында кеңсе меңгерушісі А.Искакова сыбайлас жемқорлыққа қарсы іс-қимылдың мақсаты қоғамда сыбайлас жемқорлықты жою болып табылатынын айтып, қоғамда сыбайлас жемқорлыққа төзбестік ахуалын қалыптастыру және сыбайлас жемқорлық құқық бұзушылықтар жасауға ықпал ететін жағдайлар мен себептерді анықтау және олардың салдарларын жоюдан тұратын жету жолдарын айқындады. Көптеген жағдайда жемқорлық тәуекелдері қызмет алушы мен қызмет берушінің арасында тікелей қатынас болған жағдайда туындайды. Тікелей қатынасты барлық мемлекеттік салаларға ақпараттық жүйелерді енгізу арқылы шегеруге болады.

 Сондай-ақ, аталған іс-шарада сот ғимараттарына бөгде адамдардың кіруін, тыйым салынған заттар мен өзге де деструктивті элементтерді кіргізуді болдырмау мақсатында өткізу және объектішілік режимді күшейту және олардың периметрі бойынша сот ғимараттарында күзетуді ұйымдастыру шаралары мәселелері талқыланды.

Сонымен бірге, сыбайлас жемқорлықтың алдын алу  бойынша түсіндіру жұмысы жүргізіліп, сот қызметкерлеріне келеңсіздіктерге жол бермеуді және бөгде адамдармен процессуалдық емес қатынастарға бармау туралы қатаң ескертілді.

Жаңақала аудандық сотының баспасөз қызметі

Батыс Қазақстан облысы