Оралда мектеп оқытушысы бұрынғы жұмысына қайта орналастырылды

Батыс Қазақстан облыстық сотының азаматтық істер жөніндегі сот алқасы оқытушының құқығын қорғап, оны бұрынғы жұмысына қайтадан орналастырды.

Оқытушы мен  Балалар өнер мектебінің директоры арадағы қақтығысы 2 жылға созылды. Оқытушының жұмыстан босатылуы жұмыстан босату тәртібін заңсыз деп тану туралы талаппен сотқа жүгінуіне себеп болды. Бірінші сатыдағы соттың шешімі оқытушының талап арызы қанағаттандырусыз қалдырылған. Сот шешімімен келіспеген талап қоюшы апелляциялық шағым келтірген.

Сот алқасы іс материалдарын зерттеп, бірінші сатыдағы соттың шешімінің күшін толықтай жоя отырып, жұмыстан босату туралы бұйрықты заңсыз деп танып, оқытушыны бұрынғы жұмысына қайтадан орналастырды. Қызметкердің пайдасына мәжбүрлі түрде бос жүрген 6 ай көлеміндегі 500 мың теңгеге жуық орташа еңбек ақысы мен 150 мың теңге көлемінде моральдық зиян өндірілді.

Сонымен қатар, осы іс бойынша анықталған заңбұзушылықтар жөнінде  тиісті шара қолдану үшін БҚО Білім басқармасының басшылылығының атына арнайы жеке ұйғарым шығарылды.

Қанатбаева Н.

Батыс Қазақстан облысы бойынша Соттар Әкімшісінің

ақпараттық қамтамасыз ету бөлімінің бас маманы-баспасөз қызметінің маманы