Жуалы аудандық сотында қылмыстық істер мен іс құжаттарды электронды форматта жолдау кезінде туындайтын проблемалық сұрақтарды талқылады.

Жуалы аудандық сотында «Қылмыстық  істер мен іс құжаттарды электронды форматта жолдау кезінде туындайтын проблемалық сұрақтар» атты тақырыбында дөңгелек үстел өткізілді.    

        Аталған іс шара судья Б.Жамалбекұлы, АІІБ-нің тергеушілері Е.Момынов, Е.Дербес, Н.Мадуанның қатысуларымен өткізілді.

        Іс шараны судья Б.Жамалбекұлы ашып, аталған іс шараның маңыздылығын атап өтіп, қатысушыларды соңғы кезде қылмыстық істер мен іс құжаттардың электронды форматта жолдануы төмендеп кеткенін айта кетіп, сонымен қатар электронды істерді қарау барсында туындап отырған проблемалық сұрақтарды қозғады.

       Өз кезегінде қатысушылар электронды форматта жолдау кезіндегі техникалық ақауларға, негізінен бағдарламалық қамтамасыз ету және аталған электрондық қылмыстық іс жолданатын бағдарламалық базаға байланысты болып отырғанына сілтеме жасады.

        Судья сонымен қатар, жоғарыда аталыпөткен проблемалық мәселелерді қысқа мерзімде шешу қажеттігін атап өтіп, өйткені қылмыстық істі электронды түрде қарай негізгі басымдықтардың бірі екенін, бұл мемлекеттік құрылымдардың кейбір салалрының цифровизациялануының біріне жататынын атап өтті. Қылмыстық істі электронды нысанда жүргізу тергеу мерзімін  қысқартатынын, материалдарды бұрмалау ықтималдығын азайтып, іс құжаттарына онлайн режимде қол жеткізу мүмкіндігін арттырып, дәлелдемелерді жинау және процестік құжаттарды дайындау рәсімін жеңілдететінін, электронды сот ісін жүргізу шарасы Елбасының «Үшінші жаңғыру: жаһандық бәсекеге қабілеттілік» Жолдауында көзделген тапсырмалар шеңберінде жүзеге асырылып жатқанын атап өтті.

       Іс шара соңында қатысушылар өзара пікір алмасты.

Жамбыл облысы  Жуалы аудандық сотының  баспасөз қызметі