Орал қаласында сот әкімшіліктің пәтерді жекешелендіруден бас тартуын заңсыз деп таныды

Сот Орал қаласы тұрғынының қала әкіміне пәтерді өтеусіз беруден бас тарту бойынша әрекетін заңсыз деп тану туралы талап арызын қанағаттандырды.

2011 жылы комиссия шешімімен талапкер У.-ға  2011 жылғы су тасқыны салдарынан бұзылған үйді жоғалту үшін өтемақы ретінде ақысыз жеке құқында тұрғын үйді берілді.

Алайда, 2018 жылдың маусым айында Комиссияның шешімімен пәтерді жекешелендіруден бас тартылды.

 Сонымен бірге, «Тұрғын үй қатынастары туралы» Қазақстан Республикасы Заңының 12-бабының 9-тармағына сәйкес тұрғын үйге меншік құқығының пайда болуының негізі су тасқыны салдарынан өмір сүрудің мүмкін еместігі, тұрғын үйді жоғалту үшін өтемақы ретінде тұрғын үйді меншікке беру болып табылады.

Жергілікті атқарушы органның 3 бөлмелі пәтерді У тұрғынына беру туралы шешімін, тұрғын үйді жоғалту үшін өтемақы ретінде қарастырылған ақысыз мүлікке беру туралы шешімін ескере отырып, сот жекешелендіруден бас тарту туралы комиссияның шешімін заңсыз деп тапты. Сот жауапкерді орын алған бұзушылықты жоюға және талапкердің бұзылған құқықтары мен заңды мүдделерін қалпына келтіруге міндеттеді.

Сот шешімі күшіне енді.

Э.Есенгалиева

Батыс Қазақстан облыстық сотының баспасөз хатшысы.