Мұғалжар ауданының №2 аудандық сотында «SMART сот» пилоттық жобасымен іс қаралды
Қазақстан Республикасы Жоғарғы Сот Төрағасының бастамасымен сот жүйесінде жаңашылдықтар қолға алынды. Солардың бірі «SMART сот» пилоттық жобасы болып табылады. Аталған жоба смартфонға жүктелген «TrueConf» қосымшасының көмегімен сот отырысына келмей-ақ, қашықтықтан бейнебайланыс арқылы қатысуға мүмкіндік береді. Бұл жаңашылдық объективті себептермен сот отырысына қатыса алмайтын азаматтар үшін өзекті. Соған сәйкес, бүгін, яғни 2018 жылдың 06 қарашасында Мұғалжар ауданының №2 аудандық сотының судьясымен бейнебайланысты қолдану арқылы неке бұзу туралы азаматтық ісі қаралды. Іс бойынша талап қоюшы сот ғимаратына Мұғалжар ауданының Алтынды ауылында жұмыс бабымен келе алмауына байланысты, қашықтан онлайн режимде сот отырысына қатысты.
Бұл жобаның іске қосылуы сот төрелігіне қолжетімділіктің кеңеюіне, созбалаңға салуды жоюға және судьялардың жұмысын оңтайландыруға ықпал етеді.
[xfvalue_img]
