«Билер кеңесін құру – ынмақтастықты нығайтуға апарар жол»

«Сот төрелігінің 7 түйіні» бағдарламасы аясында билер кеңесін құру туралы бастамасын іс жүзінде жүзеге асыру үшін «Билер кеңесін құру – ынмақтастықты нығайтуға апарар жол» тақырыбында кездесу өтті.

Кездесуге аудандық сотының төрағасы А.Т.Анарбаев, кеңсе меңгерушісі К.Ж.Килбаева, кеңсе жетекші маманы А.С.Сатканбаева және Қазақ ССР-не еңбегі сіңген дәрігер, құрметті теміржолшы атақтарының иегері, Мұғалжар ауданының құрметті азаматыА.Ш. Адаев.

Өз сөзінде сот төрағасы:«Бүгінде біздің қоғам арасында беделді, абыройлы, әрі өмірлік тәжірибесі мол адамның бары болғаны қуантарлықтай жайт екенін,Қазақ КСР-не еңбегі сіңген дәрігер, жоғары дәрежелі дәрігер, құрметті теміржолшы атақтарының иегері, Мұғалжар ауданының құрметті азаматы А.Ш. Адаевты қатыстыра отырып, бізге дауларды шешетін және тараптарды сотқа жеткізбей-ақ татуластыратын, билер қызметін қайта жандандыруымыз қажет екенін атап өтті. Билер кеңесін қайта жаңғырту адамдар арасындағы даулар мен ұсақ өзара наразылықтарды қысқартудың тиімді тәсілі болады».

Кеңестің негізгі міндеттері болып медиация институтын дамыту, билер соты институтын қайта жаңғырту және азаматтық, қоғамдық бірліктің, қоғамдағы бүкілхалықтық бірліктің қағидаты негізінде қазақстандық бірегейлікті жетілдіру, жаңа қазақстандық патриотизмді тәрбилеу үшін бірыңғай көзқарасты қалыптастыру болып табылады.

Шара соңында  қатысушылар билер кеңесінің жұмыс жоспарын талқылап, ауылдық округтердегі жұртшылықпен кездесулер ұйымдастырып, тұрғындарға билер кеңесінің құрылуының мәнін жете түсіндіру қажеттігін айтып өтті.