Әкімшілік іс бойынша: «Сот отырысына келмегені үшін әкімшілік жауапқа тартылды»
Сот залынан: Мұғалжар ауданының №2 аудандық сотында Қазақстан Республикасының Әкімшілік құқық бұзушылық туралы Кодексінің 653-бабының 1 бөлімімен (Сотты құрметтемеушілік) азаматша М.-ға қатысты әкімшілік іс қаралды.
Істің құжаттарына сай, 12 ақпан 2018 жылы Мұғалжар ауданы, Ембі қаласының тұрғыны азаматша М. өзіне қатысты азаматтық ісі бойынша жауапкер ретінде сотқа шақыртылған, алайда болатын сот отырысының күні, уақыты мен орны туралы тиісті түрде хабарланса да, белгіленген уақытқа сот отырысына белгісіз себептермен келмеген.
Сот отырысында азаматша М.-ның әкімшілік құқық бұзушылық жасағандығы, әкімшілік құқық бұзушылық туралы хаттамамен, түсініктермен және де іс құжаттарындағы басқа да материалдармен толықтай дәлелін тапты.
Сот қаулысымен азаматша С. ҚР ӘҚБтК-нің 653-бабының 1 бөлімімен кінәлі деп танылып, оған ескерту түріндегі әкімшілік шара қолданылды.
Қаулы заңды күшіне енген жоқ.
[xfvalue_img]
