Астана тұрғыны ақылы жол жүру учаскесіне қарызданып қалды
«ҚазАвтоЖол» ҰК» АҚ азамат Б-ға қатысты республикалық маңызы бар автомобиль жолының ақылы жол учаскесі бойынша жол жүргені үшін берешек сомасын өндіріп алу туралы талап қою арызымен сотқа жүгінді.
Істің материалдарына сәйкес, «ҚазАвтоЖол» ҰК» акционерлік қоғамы шарт негізінде «Астана-Щучинск» ақылы учаскесі аясында «Астана-Петропавл» республикалық маңызы бар автомобиль жолын сенімгерлік негізінде басқарады.
2017 жылдың маусым айынан бастап жауапкерде ақылы учаскелерінде жол жүру бойынша берешек пайда болған, ол өткінші талдап тексеру тіркеуімен дәлелденген.
Осыған байланысты, борышкердің атына берешекті өтеу туралы хабарлама жолданған, алайда жауапкер міндеттемені ерікті түрде орындаудан жалтаруда.
Сарыарқа аудандық сотының шешімімен жауапкерден ақылы жол учаскесі бойынша жол жүргені үшін 32 140 теңге берешек сомасы өндірілді.
Сот шешімі заңды күшіне енген жоқ.
АСТАНА ҚАЛАСЫ САРЫАРҚА АУДАНДЫҚ СОТЫНЫҢ БАСПАСӨЗ ҚЫЗМЕТІ
[xfvalue_img]
