Сотты құрметтемеушілік білдірген
Мұғалжар ауданының №2 аудандық сотында Қазақстан Республикасының Әкімшілік құқық бұзушылық туралы кодексінің 653-бабының 1 бөлімімен (Сотты құрметтемеушілік) азамат Т.-ға қатысты әкімшілік іс қаралды.
Істің құжаттарына сай, 23 қараша 2017 жылы Мұғалжар ауданы, Жем қаласының тұрғыны аз.Т. ҚР ҚК-нің 188 бабының 1 бөлімімен өзіне қатысты қылмыстық іс бойынша сотқа шақыртылған, алайда көрсетілген уақытта аз.Т. сот ғимаратына арақ ішкен мас күйінде келіп, өзінің әрекетімен (әрекетсіздігімен) сотқа құрметтемеушілік білдірген.
Сот отырысында аз.Т.-тың әкімшілік құқық бұзушылық жасағандығы, әкімшілік құқық бұзушылық туралы хаттамамен, түсініктермен және де іс құжаттарындағы басқа да материалдармен толықтай дәлелін тапты.
Сот қаулысымен аз.Т.ҚР ӘҚБтК-нің 653-бабының 1 бөлімімен кінәлі деп танылып, оған 5 (бес) тәулікке әкімшілік қамауға алу түріндегі әкімшілік шара қолданылды.
Қаулы заңды күшіне енген жоқ.
[xfvalue_img]
