ҚОСТАНАЙДА СЫБАЙЛАС ЖЕМҚОРЛЫҚҚА ҚАРСЫ ҮЗДІК ПЛАКАТТАР БАЙҚАУЫНЫҢ ЖЕҢІМПАЗДАРЫ АНЫҚТАЛДЫ

Қостанайда «Жемқорлықсыз өмір» облыстық байқауының қорытындысы шықты. Биыл оған өңірдегі колледждер мен лицейлердің студенттері қатысты. Байқау аясында барлығы 50- ден астам жұмыс ұсынылды.

Биылғы жылы жыл сайынғы плакаттар байқауын Қостанай облысы әкімдігі білім басқармасының қолдауымен «Социум & Я» қоғамдық бірлестігі ұйымдастырды.

«Біз барлық жұмыстарды қарадық, олардың әрқайсысы өзінше бірегей, мұнда біз өскелең жастарымыздың ел мен сыбайлас жемқорлықсыз қоғамның болашағы тақырыбын қалай бейнелейтінін көре аламыз» - деп түсіндірді қазылар алқасы мүшесі, Қостанай облысы бойынша Сыбайлас жемқорлыққа қарсы қызметтің бас маманы Бедыч Евгений – «Біздің алдымызда жастардың бойында осы әлеуметтік мәселеге дұрыс көзқарас қалыптастыру міндеті тұр, ал мұндай формат- бұл өз ойын жеткізу тәсілі ғана емес, сондай- ақ қоғамда осы әлеуметтік зұлымдықты жою жөніндегі өз ұсыныстарын ұсыну».

 Қазылар алқасының шешімі бойынша конкурс жеңімпазы ретінде Қостанай педагогикалық коледжінің студенті Гаус Ангелинаның  «Сен не істедің?» плакаты бас жүлдені қанжығасына байлады. Екінші және үшінші орындарды Торғай гуманитарлық колледжі мен Қостанай политехникалық колледжінің студенттері Данил Цаан мен Әсем Исламбек иеленді.